FİFA 2026-cı ildə ABŞ, Meksika və Kanadanın birgə ev sahibliyi edəcəyi dünya çempionatı ilə bağlı mühüm qərar qəbul edib.

Apasport.az xəbər verir ki, 2026-cı il Dünya Kubokunda matçların həm birinci, həm də ikinci yarısının 22-ci dəqiqəsində məcburi üç dəqiqəlik su fasiləsi veriləcək. Fasilələr bütün oyunlarda tətbiq olunacaq.

Yeni qayda ilə futbol matçlarının basketboldakı kimi şərti olaraq dörd hissəyə bölünməsi nəzərdə tutulur. FİFA bu addımı xüsusilə oyunçuların sağlamlığının qorunması baxımından vacib hesab edir.

Turnirin yay aylarında və müxtəlif iqlim zonalarında keçirilməsi səbəbindən bu qərarın verildiyi bildirilir.

Qeyd edək ki,  futbolsevərlərin böyük səbirsizliklə gözlədiyi mundial iyunun 11-dən iyulun 19-dək keçiriləcək

• Yığmamız beynəlxalq turnirdə ilk oyununa çıxacaq
• Millimiz Makedoniya ilə qarşılaşacaq
• DÇ-2026: İran püşkatma mərasimindən imtina etdi
• KL: "Samsunspor" İslandiyadan bir xalla qayıdır - YENİLƏNİB
• AL: "Fənərbaxça" “Ferentsvaroş”la bacarmadı, “Lion”dan darmadağın - YENİLƏNİB