Bu gün UEFA Konfrans Liqasında pley-off mərhələsinin püşkatma mərasimi keçirilib.

Apasport.az xəbər verir ki, UEFA-nın İsveçrənin Nyon şəhərindəki mənzil-qərargahında baş tutub.

Mərasimdə Azərbaycan təmsilçilərinin də rəqibləri bəlli olub.

"Sabah" I qrupun səpələnməmişləri arasında qərarlaşıb. Komandamız "Levski" səddini adlayarsa, "AZ Alkmaar" (Niderland) - "Vaduts" (Lixtenşteyn) cütünün qalibi ilə qarşılaşacaq.

"Araz-Naxçıvan" isə IV qrupun səpələnmişləri arasında yer alıb. Təmsilçimiz PAOK (Yunanıstan) – “Volfsberqer” (Avstriya) cütünün məğlubu ilə üz-üzə gələcək.

Qeyd edək ki, bu raundun ilk oyunları avqustun 21-də, cavab görüşləri 28-də olacaq. "Sabah" ilk oyunu evdə, "Araz-Naxçıvan" isə səfərdə keçirəcək.

• Ceyhun Sultanov: “Bu, o demək deyil ki, "Araz-Naxçıvan" ondan asılıdır”
• “Şkendiya”nın kapitanı: “Niyə onları məğlub etməyək?”
• “Şkendiya”nın baş məşqçisi: “Söhbət son dərəcə ciddi komandadan gedir”
• “Araz-Naxçıvan” – “Omoniya” oyununun biletləri satışa çıxarılıb
• KL: "Beşiktaş" və "Başakşəhər"in rəqibləri müəyyənləşib