UEFA Çempionlar Liqasının III təsnifat mərhələsində keçiriləcək “Orhus” (Danimarka) – “Sabah” (Azərbaycan) qarşılaşması əvvəlcədən nəzərdə tutulan vaxtdan 30 dəqiqə gec başlayacaq.

Apasport.az xəbər verir ki, bu barədə Danimarkada oyunu izləyən İTV-nin jurnalisti Kənan Hakimov sosial şəbəkə hesabında məlumat paylaşıb.

Bildirilib ki, matç Bakı vaxtı ilə saat 20:30 əvəzinə 21:00-da start götürəcək. Buna səbəb Orhus şəhərindən Randersə gedən yolda baş vermiş yol-nəqliyyat hadisəsi nəticəsində yaranan tıxac olub. Tıxac səbəbindən komandaları stadiona aparan avtobuslar gecikib.

Qeyd edək ki, “Orhus”un ev stadionunda yenidənqurma işləri aparıldığından Danimarka təmsilçisi avrokubok oyunlarını müvəqqəti olaraq Randers stadionunda keçirir.

• Millimiz D Liqasının qrupunu lider başa vurdu – YENİLƏNİB
• Asim Xudiyev UEFA Millətlər Liqasının oyununa təyinat alıb
• Rauf Əliyev: “Valideynlər övladlarının hücumçu olmasını istəmirlər”
• Günün canlı yayımlanacaq matçları - TV AFİŞA
• Millətlər Liqası: Fransa İtaliya səfərindən əliboş qayıdır - YENİLƏNİB