Monteneqronun Budva şəhərində gənc boksçular arasında Dünya kuboku statuslu “Adriatik incisi” beynəlxalq turnirində yarımfinal mərhələsinin görüşləri keçirilib.

Apasport.az xəbər verir ki, Azərbaycan millisinin idmançısı Zidan Hümbətov (54 kq) finala gedən yolda Ali Muratla (Qazaxıstan) üz-üzə gəlib.

Görüş təmsilçimizin qələbəsi ilə yekunlaşıb. Hər 3 raundu xeyrinə bitirən Hümbətov rəqibini 5:0 (30:27, 30:27, 30:27, 30:27, 30:27) hesabı ilə məğlub edib. O, finalda Aldiyar Bahadurla (Qazaxıstan) döyüşəcək.

Digər boksçularımızdan Banuçiçək Nəsirli (48 kq), Özləm Həsənova (66 kq) və İlkanə Əhmədova (+81 kq) isə turniri bürünc medalla başa vurublar.

• Qəbələdə boks hakimləri üçün seminar keçirilib - FOTO
• Beynəlxalq dərəcəli hakimimiz Asiya çempionatının ən yaxşısı seçilib - FOTO
• Bokçularımız Şamaxıda təlim-məşq toplanışına başlayıb
• Boksçularımız təlim-məşq toplanışına başlayıb
• İBA prezidenti: “Azərbaycanlı boksçuya qarşı haqsızlıq edən hakim ömürlük boksdan kənarlaşdırılacaq” - VİDEO