Azərbaycan boksçuları Macarıstanın Eqer şəhərində gənclər arasında keçirilən beynəlxalq turniri 2 medalla başa vurublar.

Boks Federasiyasından apasport.az-a verilən məlumata görə, baş məşqçi Elbrus Rzayevin yetirmələrindən Abbasqulu Şadlinski (71 kq) fəxri kürsünün ən yüksək pilləsinə qalxıb.

O, finalda Arpad Jambora 4:1 (30:27, 30:27, 29:28, 29:28, 28:29) hesabı ilə qalib gələrək, qızıl medala sahib olub.

Tağı Nəsibov (60 kq) isə həlledici görüşdə özbəkistanlı Abdulaziz Jurakulovla üz-üzə gəlib. Görüş rəqibin 4:1 (28:29, 29:28, 30:27, 30:27, 29:28) hesablı qələbəsi ilə başa çatdığından boksçumuz gümüş medala yiyələnib.

• Azərbaycan boksçusu almaniyalı rəqibinə qalib gəlib
• Boksçularımız “Eurasian Dauria cup”da mübarizə aparacaqlar
• Azərbaycanın daha 2 boksçusu dünya çempionatında 1/8 finala vəsiqə qazanıb
• Boksçularımız Aktauda keçirilən beynəlxalq turnirdə 2 medal qazanıblar
• Sübhan Mamedov dünya çempionatında ilk görüşündə qələbə qazanıb