Astara və Cəlilabad Olimpiya İdman Komplekslərinin nəzdində cüdo zalları fəaliyyətə başlayıb.

Apasport.az xəbər verir ki, zallar Azərbaycan Cüdo Federasiyası tərəfindən müasir standartlara cavab verən tatamilərlə və digər zəruri avadanlıqlarla təchiz edilib.

Açılış mərasimlərində Azərbaycan Cüdo Federasiyasının (ACF) prezidentinin müşaviri Natiq Bağırov, dünya və Avropa çempionatlarının mükafatçısı Orxan Səfərov, ACF-in regionlarla iş üzrə məsul şəxsləri Musa İsmayılov, Ruslan Yunusov, Lənkəran-Astara Regional Gənclər və İdman İdarəsinin rəisi Teymur Babazadə, rayon icra hakimiyyətlərinin nümayəndələri və digər rəsmilər iştirak ediblər. 

Qeyd edək ki, ötən həftə Ağdaş və Kürdəmirdə cüdo zallarının açılışı keçirilib

• Sumqayıtda Abşeron-Xızı bölgəsi üzrə region birinciliyi keçirilib
• Yeniyetmə cüdoçular arasında region birincilikləri keçiriləcək
• Azərbaycan millisinin Parisdəki dünya çempionatında medal sayı 3-ə çatıb
• Cənub bölgəsi üzrə region birinciliyi keçirilib
• Cüdo üzrə böyüklər arasında Abşeron-Xızı regionu çempionatı keçirilib