Azərbaycan millisi Şimali Makedoniyanın paytaxtı Skopyedə keçirilən XVIII Avropa Gənclər Yay Olimpiya Festivalının (EYOF) cüdo yarışlarını 8 medalla başa vurub.

Apasport.az xəbər verir ki, bu barədə Cüdo Federasiyasının mətbuat xidməti məlumat yayıb.

90 kq çəkidə tatamiyə çıxan Sübhan Axundov üçüncü yer uğrunda görüşdə Çexiya təmsilçisi Meliçar Şkodaya vaza-ari xalı ilə qalib gələrək bürünc medala yiyələnib.

Yekunda 3 qızıl, 2 gümüş və 3 bürünc medala sahib olan Azərbaycan millisi ümumi komanda hesabında XVIII Avropa Gənclər Yay Olimpiya Festivalının cüdo yarışlarının çempionu olub.

Qeyd edək ki, EYOF-da daha əvvəl cüdoçularımızdan Gülşən Hüseynova (44 kq), Rza Xəlilli (50 kq), Rəsul Əlizadə (55 kq) qızıl, Nuranə Hacızadə (48 kq), Zeyd Ələsgərov (60 kq) gümüş, Aysun Məmmədova (52 kq) və Məhəmməd Ağakişiyev (73 kq) bürünc medal əldə edib.

• Xüsusi Olimpiya Komitəsi və Azərbaycan Cüdo Federasiyası arasında əməkdaşlıq memorandumu imzalanıb
• Polşaya 19 cüdoçu ilə yollanırıq
• Cüdo üzrə yeniyetmələr arasında "İstedadların seçimi" yarışının II turu keçiriləcək
• Cüdoçularımız Linz Qran-Prisini 4 medalla başa vurub
• “İstedadların seçimi” yarışının II turu başa çatıb