Azərbaycanın yeniyetmə cüdoçuları Bolqarıstanın paytaxtı Sofiyada keçirilən dünya çempionatında fərdi yarışları iki medalla başa vurublar.

Apasport.az xəbər verir ki, bu gün tatamiyə çıxan Məsumə Məmmədli (70 kq) 1/16 final mərhələsində Vanessa Karaffovaya (Çexiya) məğlub olaraq mübarizəni erkən dayandırıb.

Sübhan Axundov isə (+90 kq) 1/8 finalda Kaito Tokitaya (Yaponiya) uduzub.

Qeyd edək ki, daha əvvəl Azərbaycanın 13 cüdoçusu tatamiyə çıxıb. Onlardan Anar Quliyev (50 kq) və Zeyd Ələsgərov (60 kq) bürünc medal qazanıblar. Bu gün mundialda fərdi mübarizəyə yekun vurulur. Avqustun 31-də isə qarışıq komanda yarışı baş tutacaq.

• Gültac Məmmədəliyevadan bürünc medal
• Cüdoçularımız ilk günü 2 medalla başa vurdu
• Azərbaycanın yeniyetmə cüdoçuları Avropa çempionatına Şamaxıda hazırlaşır
• Qadın cüdoçularımız Avropa Açıq Turnirində medal uğrunda mübarizə aparacaq
• Azərbaycan cüdoçuları Avropa Kubokunun son günündə dörd medal qazanıblar