Azərbaycan cüdoçuları Macarıstanın paytaxtı Budapeştdə keçirilən dünya çempionatının ilk gününü medalsız başa vurublar.

Apasport.az xəbər verir ki, bu gün yarışa qoşulan yığmanın üç üzvü mükafatçılar sırasına düşə bilməyib.

Əhməd Yusifov (60 kiloqram) və Könül Əliyeva (48 kiloqram) ilk görüşlərində uduzaraq turnirlə vidalaşıblar.

Leyla Əliyeva (48 kiloqram) isə bir mərhələ keçə bilib. O, türkmənistanlı Kurbanay Kurbanovaya qalib gəlsə də, 1/16 finalda ispaniyalı Laura Martineslə bacarmayıb.

Qeyd edək ki, mundialda Azərbaycanı 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edir. Yığma, həmçinin qarışıq komanda yarışında mübarizə aparacaq.

• Bakıda beynəlxalq təlim-məşq toplanışı başlayıb
• Millimiz beynəlxalq təlim-məşq düşərgəsinə qatılıb
• ACF daha 24 klub və idman təşkilatına beş illik lisenziya təqdim edib
• Cüdoçumuz Avropa Kubokunda gümüş medal qazanıb
• Kəmər dərəcələri üzrə imtahan keçirilib