Millimiz Gürcüstanı məğlub etdi
31.08.2025 - 14:58
Millimiz Gürcüstanı məğlub etdi

Bolqarıstanın paytaxtı Sofiyada keçirilən dünya çempionatında yeniyetmə cüdoçulardan ibarət Azərbaycan millisi qarışıq komanda yarışına qoşulub.

Apasport.az xəbər verir ki, yığmamız mübarizəyə qələbə ilə start verib.

Komandamız 1/8 finalda Gürcüstan millisinə 4:2 hesabla qalib gələrək 1/4 finala yüksəlib.

Qeyd edək ki, Azərbaycan cüdoçuları daha əvvəl fərdi yarışı 2 bürünc medalla başa vurublar. Anar Quliyev (50 kq) və Zeyd Ələsgərov (60 kq) bürünc mükafat qazanıblar.