Azərbaycan Cüdo Federasiyasının (ACF) prezidenti Rəşad Nəbiyev ölkə cüdosunun inkişafında misilsiz xidmətləri olan Əməkdar bədən tərbiyəsi və idman xadimi Əhməddin Rəcəblini 80 illik yubileyi münasibətilə qəbul edib.

Apasport.az xəbər verir ki, görüş zamanı Rəşad Nəbiyev cüdonun Azərbaycanda formalaşması və inkişafında mühüm rol oynamış yubilyarın məşqçi kimi qazandığı uğurları yüksək qiymətləndirib, onun uzun illər ərzində bu sahəyə verdiyi töhfələrin əhəmiyyətini vurğulayıb.

Tədbirdə ACF-in icraçı vitse-prezidenti Rəşad Rəsullu və prezidentin müşaviri Natiq Bağırov da iştirak ediblər.

Sonda Rəşad Nəbiyev Əhməddin Rəcəblini 80 yaşının tamam olması münasibətilə Azərbaycan Cüdo Federasiyasının fəxri fərmanı ilə təltif edib.

• Cüdoçularımız Avropa Kubokunda 4 medal qazanıblar
• Kəmər dərəcələri üzrə rəsmi imtahan keçirilib - FOTO
• Milli komandamızın 9 cüdoçusu Avropa Kubokunda
• Azərbaycan millisi mövqeyini qorudu
• Azərbaycan komandası EYOF-da 10 medalla 17-ci olub