Macarıstanın paytaxtı Budapeştdə keçirilən dünya çempionatı davam edir.

Apasport.az xəbər verir ki, Azərbaycanlı cüdoçu Uşanqi Kokauri (+100 kq) 1/4 finalda gürcüstanlı Quram Tuşişviliyə məğlub olub.

O, bürünc medal uğrunda Temur Raximovla (Tacikistan) güləşib. Təmsilçimiz vazari xalı ilə öndə olsa da, sona 8 saniyə qalmış ipponla fəndinə düşüb. Uşangi dünya çempionatını 5-ci pillədə başa vurub.

Qeyd edək ki, Azərbaycanı mundialda 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edir. Millimiz həmçinin qarışıq komanda yarışında mübarizə aparacaq.

Daha əvvəl cüdoçularımızdan Zelim Tçkayev (81 kq), Elcan Hacıyev (90 kq) və Zelim Kotsoyev (100 kq) bürünc medal qazanıblar.

• Cüdoçularımızın Daşkənd Qran-Prisindəki rəqibləri bəlli olub
• Abşeronda kəmər dərəcələri üzrə rəsmi imtahan keçirilib
• U-17 yeniyetmələr arasında "İstedadların seçimi" yarışının II turu keçiriləcək
• Azərbaycan cüdo yığması Linzdəki Qran-Pri turnirində 7 idmançı ilə təmsil olunacaq
• Bakıda cüdo üzrə Liqa yarışının I turu keçiriləcək