“Ər-Riyad 2025” İslam Həmrəyliyi Oyunlarının proqramına daxil edilən futzal yarışının püşkü atılıb.

Apasport.az xəbər verir ki, reqlamentə əsasən, iştirakçı 8 komanda hər birində 4 komanda olmaqla iki qrupa bölünüb.

Azərbaycan millisi A qrupunda Səudiyyə Ərəbistanı, Özbəkistan və Liviya ilə eyni qrupda mübarizə aparacaq.
B qrupunda isə Mərakeş, Əfqanıstan, Tacikistan və İran yer alıblar.

Qrup mərhələsinin oyunları noyabrın 4-də, 6-da və 8-də keçiriləcək. Hər qrupda ilk iki yeri tutan yığmalar yarımfinal mərhələsinə vəsiqə qazanacaqlar. Yarımfinal görüşləri noyabrın 9-da baş tutacaq.

Qızıl, gümüş və bürünc medal sahibləri isə noyabrın 11-də keçiriləcək final və üçüncü yer uğrunda oyunlardan sonra müəyyənləşəcək.

• Azərbaycan badmintonçuları beynəlxalq turnirdə 17 medal qazandı
• Bakıda beynəlxalq badminton turnirinə start verilib
• Azərbaycanlı qolfçu Qazaxıstanda çempion olub
• Bakı beynəlxalq badminton turnirinə ev sahibliyi edəcək - İLK DƏFƏ
• Yeniyetmələr arasında beynəlxalq qolf turniri keçirilib - Azərbaycanda ilk dəfə