"Masallı güləş məktəbinin yetirməsiyəm. Bütün Azərbaycan xalqına təşəkkür edirəm".

"Apasport"un əməkdaşının məlumatına görə, bu sözləri braziliyalı Cefferson Nasimentonu məğlub edən Tahir Abdullayev deyib.

Azərbaycanlı UFC döyüşçüsü mübarizə ilə bağlı fikirlərini bölüşüb:

"Mənim üçün heç bir rəqibin fərqi yoxdur. Çox sevincliyəm. Üç həftə əvvəl bilirdim ki, UFC-də döyüşəcəyəm. Mən rəqibə ikinci və üçüncü raundda deyirdim ki, qız kimi qaçma, gəl, savaşaq. Rəqibin məşqçisinə "yaxınlaş səni də yıxım" dedim. 

Mən həmişə döyüşlərə mehtər marşı ilə çıxmışam. Bu mahnı mənə çox yaxşı təsir edir. Döyüşün Azərbaycanda olması mənə xoş təsir elədi. Çünki özümü həddindən artıq enerjili hiss edirdim".

Qeyd edək ki, gecənin əsas döyüşündə Rafael Fiziev Manuel Torreslə qarşılaşacaq.

• UFC Şöhrət Zalının üzvü Maykl Bispinq Bakıdakı turnirin şərhçilərindən biri olacaq
• UFC Fight Night Baku: Tahir Abdullayev ilk, Rafael Fiziev son döyüşə çıxacaq
• Bakıda keçiriləcək UFC turnirinin təntənəli çəkiölçmə mərasimi keçirilib
• UFC Bakı tədbirində oktaqona çıxacaq idmançıların rəsmi çəkiölçmə mərasimi keçirilib - YENİLƏNİB
• UFC döyüşçüləri Bakıda azarkeşlərlə görüşüblər