Azərbaycan təmsilçisi Abbas Hüseynov Türkiyənin Antalya şəhərində keçirilən yeniyetmə və gənclərin qılıncoynatma üzrə Avropa birinciliyində çıxışını başa vurub.

Apasport.az xəbər verir ki, o, yeniyetmə sablyaçıların şəxsi yarışında 12-ci yerə çıxıb.

Qrup mərhələsini 5 qələbə ilə başa vuran A.Hüseynov bu nəticə sayəsində ən güclü 32-liyə yüksəlib. Bu mərhələdə rumın rəqibini mübarizədən kənarlaşdıran sablyaçımız ən güclü səkkizliyə yüksəlmək uğrunda keçirilən qarşılaşmada İtaliya təmsilçisinə məğlub olub.

Qız şpaqaçıların şəxsi yarışında Nəzrin Mehdiyeva, Xatun Bayramova və Mirnuray Abasova qrup mərhələsini uğurla adlasa da, ən güclü 32-liyə yüksəlmək uğrunda keçirilən görüşlərdə məğlub olublar.

• Fizievin məğlubiyyətinin acı sonluğu: "TOP-10"da yerini itirdi
• Rafael Fiziev kimdir? Niyə Azərbaycanı təmsil edir? – DÖYÜŞÇÜNÜN HƏYAT YOLU
• UFC 325: Volkanovski kəməri müdafiə etdi - GÜNÜN NƏTİCƏLƏRİ
• UFC 325: Fiziev üçün ağır son - İKİNCİ RAUNDDA NOKAUT
• Fiziev UFC 325-də oktaqona çıxacaq – rəqib braziliyalı Ruffydir