Mütləq Döyüş Çempionatının (UFC) növbəti döyüş gecəsinin qarşılaşmaları açıqlanıb.

Apasport.az xəbər verir ki, "UFC-329" iyulun 11-dən 12-nə keçən gecə baş tutacaq.

Tədbirin əsas kartında 5 döyüş yer alıb.

"Main event"də MMA əfsanəsi Konor Makqreqor Maks Holloveylə qarşılaşacaq. Mübarizə yarımorta çəkidə baş tutacaq.

"Co-main event"də Benoyt Sen-Denislə Peddi Pimblett üz-üzə gələcək. Liverpullu döyüşçü qələbə qazanaraq yüngül çəkidə yenidən kəmər döyüşünə çıxmaq niyyətindədir.

Günün digər döyüşlərində Kori Sandhagen Mario Bautista ilə, Brendon Royval isə Loni Kavanaqla qarşılaşacaq.

Əsas kartın son döyüşündə Qeybl Stiveson - Elişa Elisson döyüşü yer alıb.

Qeyd edək ki, "UFC-329" "Baku Fight Night: Fiziev vs. Torres" döyüş gecəsindən sonra keçiriləcək.

• Arman Tsarukyan mətbuat konfransında dava saldı – VİDEO
• Bakıdakı sumo üzrə dünya çempionatı öncəsi antidopinq vebinarları keçirilib
• Qılıncoynatma üzrə Bakı şəhər açıq birinciliyinin qalibləri bəlli olub
• Savat üzrə Avropa çempionatında iki medal
• Vahab Fətullayev beynəlxalq turnirdə bürünc medal qazanıb