Bədii gimnastika üzrə 31-ci ölkə çempionatı başa çatıb.

Apasport.az xəbər verir ki, avqustun 4-6-da Bakı Olimpiya İdman Kompleksində keçirilən yarışın son günündə yeniyetmələr (2013-cü il təvəllüdlülər) və gənclər (2011-2012-ci il təvəllüdlülər) arasında halqa, top, gürzlər və lent alətləri üzrə fərdi proqramın final yarışları baş tutub.

Finalın nəticələrinə əsasən qaliblər və mükafatçılar müəyyənləşib.

Yeniyetmələr arasında Amina Novruzova (BGM) iki, Güllüzar Şərifova (OCAQ) isə iki qızıl medal qazanıb. Gənclərin yarışında isə Nur Sadıqova (RKİM) halqa, top və gürzlərdə fəxri kürsünün ən yüksək pilləsinə qalxıb. Lent proqramında isə Leyla Nemakina (OCAQ) qızıl medala sahib çıxıb.

Üç gün davam edən çempionat ərzində gimnastlar fərdi çoxnövçülük və ayrı-ayrı alətlər üzrə bacarıqlarını nümayiş etdiriblər.

Qeyd edək ki, yarışın sonunda qaliblər medal və diplomlarla təltif olunublar. Turnir gənc gimnastların hazırlıq səviyyəsinin qiymətləndirilməsi və gələcək beynəlxalq yarışlara hazırlıq baxımından mühüm əhəmiyyət daşıyıb.

• Gimnastlarımızdan beynəlxalq turnirdə 4 medal
• Batut və tamblinq gimnastikası üzrə növbəti Azərbaycan birinciliyi keçiriləcək
• Tofiq Əliyevdən Böyük Britaniyada iki qızıl medal
• Azərbaycan gimnastları İtaliyada 5 qızıl, 1 gümüş medal qazanıblar
• Şəkidə bədii gimnastika üzrə regional yarış təşkil olunacaq