Bu gün Macarıstanın paytaxtı Budapeştdə bədii gimnastika üzrə Avropa çempionatı start götürüb.

Apasport.az xəbər verir ki, yarışın ilk günündə gənclər mübarizəyə qoşulublar.

Gənclərin fərdi mübarizəsinə Gövhər İbrahimova, Şəms Ağahüseynova, İlahə Bahadirova və Fidan Qurbanlı uğulu çıxış edərək, final mərhələsinə yüksəliblər. İlahə (29,850) topla çıxışında təsnifat mərhələsini 3-cü pillədə başa vurub. Şəms (29,000) lentlə 4-cü, Gövhər (30,050) halqa ilə 6-cı olub. Fidan (28,500) gürzə çıxışını 7-ci pillədə başa vuraraq, final mərhələsinə vəsiqə qazanıb.

Yekunda Azərbaycan yığması 117,400 xal toplayaraq, Avropa çempionatının bürünc medalını qazanıb. Rumıniya (125,100) qızıl, İsrail (123,750) gümüşə yiyələnib.

Qeyd edək ki, Avropa çempionatı mayın 26-da başa çatacaq.

• İdman gimnastikası üzrə AGF Trophy beynəlxalq turnirinə start verilib
• Gimnastlarımızdan beynəlxalq turnirdə qızıl medal
• Bədii gimnastika üzrə Bakı çempionatı keçiriləcək
• Birinci vitse-prezident Mehriban Əliyeva bədii gimnastika üzrə Avropa kubokunu izləyib
• Təmsilçilərimiz Çexiyada beynəlxalq turnirdə qızıl medal qazanıblar