III MDB Oyunları çərçivəsində Şəki Olimpiya İdman Kompleksində batut gimnastikası üzrə yarışlar başa çatıb.

Apasport.az xəbər verir ki, Azərbaycan gimnastları Selcan Mahsudova və Maqsud Mahsudov qarışıq komanda yarışında gümüş medala yiyələnib.

Birinci Belarus, üçüncü Qazaxıstan təmsilçiləri olub.

Bununla yanaşı, Selcan Mahsudova və Şəfiqə Hümbətova sinxron yarışda üçüncü olub.
 
Belarus birinci, Rusiya isə ikinci yeri tutub.
 
Bundan başqa, Maqsud Mahsudov və Hüseyn Abbasov oğlanların sinxron proqramında üçüncü olublar.
 
Qeyd edək ki, bununla da batut gimnastikası yarışlarına yekun vurulub. Azərbaycan gimnastları yarışı 1 qızıl, 2 gümüş, 3 bürünc medalla başa vurub.

• Azərbaycan gimnastları SCALABISCUP beynəlxalq turnirini 12 medalla başa vurublar
• Azərbaycan komandası "European Gym for Life Challenge" festivalında birinci olub
• Gimnastlarımızdan Dünya kubokunda qızıl medal
• Bu gün batut və tamblinq üzrə ölkə çempionatı start götürəcək
• Azərbaycan gimnastları Dünya Kuboku və AGF Trophy yarışlarında üç qızıl medal qazanıblar