Azərbaycan gimnastı Nikita Simonov Bakıda keçirilən Dünya kubokunun qalibi olub.

Apasport.az xəbər verir ki, o, finalda halqalarla hərəkətdə uğurla çıxış edib.

Təsnifat mərhələsində birinci yeri tutan Avropa çempionatının gümüş mükafatçısı finalda da ən yüksək xalı toplayıb. O, 14,233 xal toplayıb və çempion titulunu qazanıb.

Bu, Simonovun cari mövsümdə ikinci mükafatıdır. Bundan əvvəl o, Almaniyanın Kottbus şəhərində keçirilən Dünya kubokunda gümüş medal qazanıb.

Bakıdakı Dünya kubokunda halqalarla hərəkətlərdə digər mükafatçılara gəlincə, Jivey Menq (Çin) gümüş, Aleksandr Diab (ABŞ) isə bürünc medal qazanıblar.

• Tofiq Əliyevdən daha bir uğur: DÜNYA KUBOKUNUN QALİBİ OLDU
• “Nebesnaya Gratsiya” komandası III MDB Oyunlarında iştirak edəcək
• Gimnastlarımız MDB Oyunlarını 6 medalla başa vurublar
• Gimnastımız ikiqat Olimpiya çempionunu üstələdi - ÇEMPİON OLDU
• III MDB Oyunları: Azərbaycan gimnastları gümüş medal qazanıb - FOTO