18 yaşadək qız və oğlan cüdoçular arasında Azərbaycan birinciliyi başa çatıb.

Azərbaycan Cüdo Federasiyasından apasport.az saytına verilən məlumata görə, Fövqəladə Hallar Nazirliyinin Hövsan qəsəbəsində yerləşən İdman Sağlamlıq Mərkəzində keçirilən yarışda ölkənin 76 rayon və şəhərdən olan klub, cəmiyyət və idman təşkilatlarından gənclər iştirak ediblər. 

Nəticələrə əsasən 25 komanda müxtəlif əyarlı medal qazanıb, onlardan da 13-ü regionları təmsil edib.

Ümumilikdə Azərbaycan birinciliyində 439 oğlan və 75 qız cüdoçu medallar uğrunda mübarizə aparıblar. Komanda hesabında 13 saylı İxtisaslaşdırılmış Olimpiya Ehtiyatları Uşaq Gənclər İdman Məktəbi 1-ci, “Neftçi” İdman Klubu 2-ci, 1 nömrəli “Təhsil” Respublika İdman Mərkəzi (Sumqayıt) isə 3-cü yerə layiq görülərək müvafiq kubok və diplomlarla təltif olunublar. 
 

• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib