İyulun 14-də Çexiyanın Osyek şəhərində güllə və stend atıcılığı üzrə Avropa çempionatı start götürəcək. Apasport.az saytının məlumatına görə, qarşıdakı yarışda Azərbaycanın idman şərəfini 6 atıcı qoruyacaq.

Güllə atıcılığı yarışında milli komandamızın oynayan-məşqçisi İradə Aşumova və onun oğlu Ruslan Lunyov qüvvəsini sınayacaq. Onlar ayın 11-də səfərə yollanacaqlar.

Stend atıcılığında isə mübarizə bir qədər gec, iyulun 24-də başlanacaq. Bunu nəzərə alan Emin Cəfərov, Nurlanə Cəfərova, Regina Meftahəddinova və Elvin İsmayılov Çexiyaya iyulun 16-də gedəcəklər. Qitə çempionatı iyulun 26-da yekunlaşacaq.

Onu da bildirək ki, stend atıcılığı üzrə yığmamızın baş məşqçisi Hafiz Cəfərov səhhətində yaranan problem ucbatından Avropa çempionatına yollana bilməyəcək. Cəfərov hazırda müalicə olunur.

• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib