Azərbaycan qadın güləşinin lideri Mariya Stadnik (48 kq) 13-18 apreldə Bakıda keçiriləcək Avropa çempionatında iştirak etməyəcək. Apasport.az saytının məlumatına görə, hazırda vətəni Ukraynada olan idmançı ana olmağa hazırlaşır. Artıq 4 aydır hamilə olduğundan onun qitə birinciliyində iştirakı qeyri-mümkündür. Baş məşqçi Orest Skobelski indi Stadnikin alternativini axtarır.

Qeyd edək ki, Mariya Stadnik əslən Ukraynanın Lvov şəhərindəndir. 1988-ci ildə anadan olan Mariya 3 ildir Azərbaycanın şərəfini qoruyur. Bu müddət ərzində bir sıra beynəlxalq uğurlar qazanıb. 2 dəfə Avropa, 1 dəfə dünya çempionu olan Stadnik Pekin Yay Olimpiya Oyunlarında bürünc medala yiyələnib. Mariya Lvov tarixinin ilk dünya çempionudur. O, 2011-ci ilə qədər peşəkar idmandan kənarda qalacaq.

• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb