“Avropa çempionatlarının seçmə mərhələlərində rəqibimizi məğlub edə bilməmişik. Amma bu dəfə başqa çarəmiz yoxdur”. Apasport.az saytının məlumatına görə, bu sözləri Avro-2012-nin seçmə mərhələsində Azərbaycan yığması ilə eyni qrupda yer alan Türkiyə milli komandasına cavabdehlik daşıyan Ləvənt Kızıl deyib.

O bildirib ki, Belçika üzərində qələbə “ay-ulduzlular”ı Berti Foqtsun yetirmələrinə qarşı yüksək əhval-ruhiyyədə meydana çıxmasına gözəl zəmin yaradacaq: “Ötən il belçikalılar bizi çox məyus etdilər. Evdə heç-heçə, səfərdə məğlubiyyətin revanşını almaq istəyirik. Belçikaya qalib gəlsək, biz 6 xala sahib olacağıq, rəqib isə 0 xalda qalacaq. Bu qələbə bizə əlavə üstünlük verəcək. Çünki qarşıda Almaniya və Azərbaycanla oyunlarımız var. Onlarla oyuna yüksək-əhval ruhiyyədə çıxmaq istəyirik”.

Qeyd edək ki, Türkiyə və Belçika oyunu bu gün keçiriləcək.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib