Boks üzrə Gürcüstan milli komandası bu gün Bakıya gələrək yığmamızla birgə təlim-məşq toplanışına başlayıb. Boks Federasiyasından apasport.az saytına verilən məlumata görə, qonşu ölkənin nümayəndələrinin paytaxtımıza gəlməsinin səbəbi “Böyük İpək Yolu” yarışına hazırlaşmaqdır.

Bu mötəbər yarış martın 9-dan 13-ə kimi Bakıda təşkil olunacaq. Gürcüstan komandası turnir başa çatana kimi şəhərimizdə qalacaq.

Qeyd edək ki, hazırda Gürcüstanın gənclərdən ibarət milli komandası da Bakıda təlim-məşq toplanışındadır. Ancaq əsas yığmadan fərqli olaraq, gənclər martın 8-də toplanışı başa vuraraq, Gürcüstana qayıdacaqlar.

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək