“Azərbaycanda heç bir çətinliyimiz yoxdur. Çünki özümüzü evimizdəki kimi hiss edirik”. Apasport.az saytının məlumatına görə, bunu boks üzrə Türkiyə milli komandasının boksçusu Caner Sayak (81 kq) deyib.

Komandasının kapitanı olan idmançı Bakıda keçirilən dünya çempionatına qələbə ilə başlayıb. O, gərgin mübarizədə Tailand boksçusu Krinqkai Sukkhumu 19:10 hesabı ilə məğlub edərək, növbəti mərhələyə vəsiqə qazanıb.

Sayak Bakının onun üçün doğma şəhər olduğunu bildirib: “Biz bir millət iki dövlətik. İnanıram ki, burada da azarkeşlər bizi Türkiyədəki kimi dəstəkləyəcəklər”.

Kapitan ilk növbədə Olimpiadaya lisenziya haqda düşündüyünü deyib: “İlk hədəfim Bakıdaca London Olimpiadasına vəsiqə qazanmaqdır. Bundan sonra isə artıq medal haqda da düşünmək olar”.

• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib