Amerika Samoası Pekin-2022 Qış Olimpiya Oyunlarında iştirak edəcək.

Apasport.az saytının məlumatına görə, bu ölkənin yığması 28 ildən sonra qış oyunlarında təmsil olunacaq.

Amerika Samoası sonuncu dəfə 1994-cü ildə Qış Olimpiadasına qatılıb. Pekində ölkəsini skeletonçu Natan Krampton təmsil edəcək. O, mövsümün reytinqində 26-cı olmaqla bu hüququ qazanıb. Lakin idmançı Çinə yollanmaq üçün sponsor tapmasa, uzaq səfərə yollanmaya da bilər.

Krampton ötən il Tokio-2020-də də iştirak edib. 100 m məsafəyə qaçan atlet təsnifat mərhələsində mübarizəni dayandırıb.

Qeyd edək ki, 1994-cü ildə samoalılar bobsley cütlərinin yarışında iştirak edib.
 

• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib