Azərbaycan Şahmat Federasiyasının (AŞF) mənzil qərargahında qadınlar arasında ölkə çempionatının seçmə turnirinə start verilib. 

AŞF-dən apasport.az saytına verilən məlumata görə, 20 zəka sahibinin birincilik uğurunda mübarizə apardığı yarışda artıq 2-ci turun oyunları başa çatıb. 

2 turdan sonra 3 şahmatçı - Ləman Hacıyeva, Səbinə Rzalı və Xatun Bağırova 2 xal toplayaraq ilk üçlükdə qərarlaşıb. Lalə Hüseynova, Mələk İsmayıl və Nərmin Nəsibova isə liderlərdən yarım xal az toplayaraq 4-6-cı yerləri bölüşürlər.

İsveçrə sistemi üzrə keçirilən çempionat 7 turdan ibarət olacaq. Turnirin son turu aprelin 9-da baş tutacaq.

Seçmə turnirin reqlamentinə əsasən I yeri tutan şahmatçı qadınlar arasında Azərbaycan çempionatının final mərhələsinə vəsiqə qazanacaq.
 

• III MDB Oyunlarının Təşkilat Komitəsinin tərkibində dəyişiklik edilib - Sərəncam
• Azərbaycan Karate Federasiyası "Apasport" İdman Agentliyini mükafatlandırıb
• Qılıncoynadanımız Estoniyada bürünc medal qazanıb
• İdmançılarımız İtaliyada keçirilən Dünya Kubokunda iştirak ediblər
• Snoubord yarışı üzrə Heydər Əliyev Kuboku keçirilib