İyun 10-12-da keçiriləcək “Formula-1” 2022 Azərbaycan Qran-prisi bu il həm trekdə, həm də tribunada öz azarkeşlərinə unudulmaz həyəcan yaşadacaq.

Apasport.az saytının məlumatına görə, iki il davam edən pandemiya səbəbindən 2020-ci ildə təxirə salınmış, növbəti il isə tamaşaçısız keçirilən “Formula-1” yarışları bu mövsüm yenidən öz tamaşaçıları ilə görüşəcək. 

Bu səbəbdən sayca altıncı olan yarışın builki şüarı “F1 qayıdır: trekə və  tribunaya!” olaraq müəyyənləşdirilib. 

10 iyundan etibarən 3 gün ərzində “Formula-1” pilotları paytaxt küçələrini möhtəşəm rəqabət və inanılmaz sürətlə ram edəcəklər. 

Bu arada Bakı Şəhər Halqası “Formula-1” Azərbaycan Qran-prisi mövsümün ən parlaq vizuallarını təqdim edib. Bu, ilk dəfə Azərbaycanın üç rəngli bayrağının rəngləri ilə, daha vətənpərvər ruhda simvolizə edilib. 

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar