Bolqarıstanın paytaxtı Sofiyada gənc boksçular arasında Avropa birinciliyi davam edir. 

Apasport.az saytının məlumatına görə, yarışın üçüncü günündə Azərbaycan millisinin daha 2 üzvü çıxışını qələbə ilə başa vurub. 

Yığma üzvü Amin Məmmədzadə (51 kq) 1/8 final mərhələsi çərçivəsində irlandiyalı Patrik Makkenna ilə üz-üzə gəlib. Görüş həmyerlimiz üçün uğurlu alınıb. O, rəqibini 5:0 (30:27, 29:28, 30:27, 30:27, 30:27) hesabı ilə məğlub edərək mərhələ adlayıb. 

Boksçumuz 1/4 finalda ermənistanlı Aren Aslamazyanla döyüşəcək. Görüş aprelin 19-da olacaq. 

80 kq çəkidə mübarizə aparan Sərxan Budaqov Vladislav Dudarla (Ukrayna) qarşılaşıb. Gərgin keçən döyüşdə Azərbaycan təmsilçisi rəqibini məğlub edib. Qələbə sayəsində 1/4 finala vəsiqə qazanan həmyerlimiz aprelin 19-da türkiyəli Muhammed Doğru ilə döyüşəcək. 

Qeyd edək ki, komandamızın heyətində Daniel Xolostenko (71 kq) 1/8 finalda Levent Qemeslə (Macarıstan), Kənan Babayev (48 kq) 1/4 finalda Oruc Əhmədovla (Gürcüstan), Fətəli İsmayılov (86 kq) isə Oğuzxan Türklə (Türkiyə) üz-üzə gələcək. 
 

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar