Gənclər və İdman Nazirliyinin yeni loqosu təqdim olunub.

Apasport.az saytının məlumatına görə, loqonun təqdimat mərasimi Bakı Gənclər Mərkəzində keçirilib.

Tədbirdə çıxış edən gənclər və idman naziri Fərid Qayıbov loqonu dəyişməyin vaxtı çatdığını bildirib: “Yeni tərzdə korporativ rənglərə yol açmaq istədik. İki həftə əvvəl elan etdik, yüzə qədər variantlar aldıq. Nəhayət, qalib loqonu seçdik”.

Nazir əlavə edib ki, Azərbaycan Prezidenti İlham Əliyevin dünən 23 yaşadək güləşçilərdən ibarət yığma üzvlərini qəbul etməsi idmanın ölkəmiz üçün prioritet sahə olduğunu göstərir: “Dövlət idmançılarımızın nailiyyətlərini qiymətləndirir. İnanırıq ki, daha böyük qələbələr irəlidədir”.

Daha sonra söz alan Paradoks Dizaynın rəhbəri Şamil Ramazanov 20 ildir istifadə olunan loqonun dəyişdirilməsinin vacib olduğunu söyləyib. Onun sözlərinə görə, yeni loqo nazirliyin fəaliyyətini, baxışını əks etdirməli, yaddaqalan və fərqlənən olmalı, eyni zamanda müasir tələblərə uyğun, uzun müddət aktual qalmalıdır.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar