Azərbaycan karateçiləri Birləşmiş Ərəb Əmirliklərinin Fujeira şəhərində Karate1 Premyer Liqa turnirini başa vurublar. 

Apasport.az saytının məlumatına görə, yarışa 9 idmançı ilə qatılan yığmamız 1 qızıl, 1 gümüş və 1 bürünc medal qazanıb. 

Komandamızın heyətində İrina Zaretska qalib adına sahib olub. 68 kq çəki dərəcəsində mübarizə aparan dünya çempionu finalda italiyalı Silvia Semeraronu məğlub edib. 

Zaretskadan fərqli, Tural Ağalarzadə (67 kq) finalda məğlubiyyətə üzülüb. O, həlledici görüşdə qazaxıstanlı Didar Amrali ilə dueldən məğlub ayrılıb və gümüş medalla kifayətlənib. 

Millimizə digər mükafatı Turut Həsənov (84 kq) qazandırıb. O, üçüncü yer uğrunda döyüşdə Robin Rettenbaherə qalib gəlməklə, fəxri kürsünün üçüncü pilləsinə qalxıb. 
 

• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib