Fransanın Monpelye şəhərində keçirilən fiqurlu konkisürmə üzrə dünya çempionatı davam edir.

Apasport.az saytının məlumatına görə, bu gün kişilər mübarizəyə başlayıb.

Azərbaycan təmsilçisi Vladimir Litvintsev də qısa proqramda bacarığını göstərib. Onun çıxışı 85,83 xalla qiymətləndirilib. O, günü 13-cü yerdə başa vurub.

Bu, idmançımıza sərbəst proqramda çıxış etmək hüququ verib. 30 iştirakçıdan yalnız 24-ü martın 26-da medallar uğrunda mübarizəni davam etdirəcək.

Qeyd edək ki, sabah Yekaterina Ryabova sərbəst proqramla mundialı başa vuracaq, Yekaterina Kuznetsova və Aleksandr Kolosovski dueti buz üzərində rəqslərdə yarışa start verəcək.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar