Pekində keçiriləcək Qış Olimpiya Oyunları bəzi iştirakçılar üçün fərqli idman növündə çıxışla əlamətdar olacaq.

Apasport.az saytının məlumatına görə, bir idmançının iki müxtəlif növdə Olimpiadaya qatılması az qala adi hala çevrilib.

Olimpiadaların 126 illik tarixində nəinki 2, hətta 3 müxtəlif növdə qüvvəsini sınayan onlarla idmançı var. Mütləq rekord isə 4-ə bərabərdir.

İki idmançı idmanın dörd müxtəlif növündə mübarizə aparıb. Onların hər ikisi rekorda Yay Olimpiadalarında imza atıb.

Danimarkalı Viqqo Censen atletika, güllə atıcılığı, ağırlıqqaldırma və gimnastikada medallar uğrunda yarışıb. Almaniyalı Karl Şuman atletika, gimnastika, ağırlıqqaldırma ilə kifayətlənməyib və güləş xalçasına da çıxıb.
 

• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar