Aprelin 1-dən 3-dək Macarıstanın paytaxtı Budapeştdə keçirilən Avropa çempionatında yunan-Roma güləşi üzrə mübarizə baş tutacaq.

Apasport.az saytının məlumatına görə, bu gün güləşin klassik növü üzrə püşkatma mərasimi keçirilib və idmançılarımızın rəqibləri müəyyənləşib.

Eldəniz Əzizli (55 kq) mübarizəyə 1/4 finaldan start verəcək. Onun rəqibi Denis Mihay (Rumıniya) - Sebastyan Kolompar (Serbiya) görüşünün qalibi olacaq.

Murad Məmmədov (60 kq) ilk görüşdə Daniel Bobillo (İspaniya) ilə qarşılaşacaq.
Taleh Məmmədov (63 kq) yarışa 1/4 finaldan qoşulacaq. Təcrübəli pəhləvanımız ya Ahmet Uyar (Türkiyə), ya da Kriştian Keçkemeti (Macarıstan) ilə üz-üzə gələcək.
Həsrət Cəfərov (67 kq) 1/8 finalda Vitalis Lazovskiylə (Almaniya) güləşəcək.

Ülvü Qənizadə (72 kq) ilk görüşdə Samuel Belşeid (Almaniya) ilə qarşılaşacaq.
Sənan Süleymanov (77 kq) 1/8 finalda İlye Koyokari (Rumıniya) ilə mübarizə aparacaq.
Rafiq Hüseynovun (82 kq) ilk rəqibi Petr Novak (Çexiya) olacaq.

İslam Abbasov (87 kq) ilk mərhələdə Matey Mandiçlə (Xorvatiya) qarşılaşacaq.
Murat Lokyayev (97 kq) 1/8 finalda Arvi Savolaynenlə (Finlandiya) üz-üzə gələcək.
Beka Kandelaki (130 kq) isə ilk görüşdə Mixaylo Vişnivetskiylə (Ukrayna) güləşəcək.

Qeyd edək ki, sabah 55, 63, 77, 87 və 130 kq-da çıxış edən güləşçilər xalça üzərinə çıxacaq. Aprelin 2-də isə digər 5 çəkidəki pəhləvanlar mübarizəyə qoşulacaq. Qitə birinciliyinə aprelin 3-də yekun vurulacaq. 

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar