Pekin-2022 Qış Olimpiya Oyunlarının bağlanış mərasimi keçirilib.

Apasport.az saytının məlumatına görə, Bakı vaxtı ilə saat 16:00-da başlayan tədbir Pekindəki Milli stadionda təşkil olunub. 

Yarışın fevralın 4-də baş tutan açılışı da 2008-ci ildə inşa olunan bu idman obyektində keçirilib.

2 saata yaxın davam edən tədbirdə olimpiyaçıların paradı da təşkil olunub. 

Yarışlarına fevralın 2-də start verilən, açılış mərasimi ayın 4-də baş tutan “Ağ Olimpiada”da 91 ölkədən 2871 idmançı mübarizə aparıb. Onlar 7 idman növündə 109 medal dəsti üçün mübarizə aparıb.

29 ölkənin medal, 23-nün qızıl qazandığı yarışda Norveç hamını qabaqlayıb. Almaniya ikinci, Çin üçüncü yeri tutub.

Olimpiyaçıların paradından sonra Olimpiya bayrağı İtaliyanın Milan və Kortina şəhərlərinə verilib. Bu şəhərlər 2026-cı ildəki yarışa ev sahibliyi edəcək.

Qeyd edək ki, iki idmançı ilə yarışa qatılan Azərbaycanın hər iki təmsilçisi ikinci “onluq”da yer tutub. Fiqurlu konkisürənlərimizdən Yekaterina Ryabova 15-ci, Vladimir Litvintsev 18-ci olub.
 

• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib