Azərbaycan Cüdo Federasiyası daha bir idmançını milliləşdirib.

Apasport.az saytının məlumatına görə, qurum iranlı Səid Mollayinin (81 kq) ardınca rusiyalı Camal Qamzatxanovu yığmaya cəlb edib. 

+100 kq çəki dərəcəsində mübarizə aparan 23 yaşlı cüdoçu Beynəlxalq Cüdo Federasiyasının 19 avqust 2022-ci il tarixli qərarı ilə Azərbaycan bayrağı altında çıxış edəcək. O, sentyabrın 10-11-də İtaliyanın Rikkione şəhərində baş tutacaq böyüklər arasında açıq Avropa turnirində yığmada debüt edəcək.

3 ilə yaxındır Rusiya millisinin heyətində beynəlxalq yarışlara qatılmayan Qamzatxanov 2018-ci ildə gənclər arasında dünya çempionatında və 2019-cu ildə gənclər arasında Avropa çempionatında bürünc medal qazanıb.

Qeyd edək ki, Mollayi mayda yığmaya cəlb olunub. Qamzatxanovun çəkisində isə Azərbaycanı əsasən digər legioner - gürcüstanlı Uşanqi Kokauri təmsil edirdi. 

• Bakıda yanğınsöndürmə və xilasetmə üzrə dünya çempionatının açılış mərasimi keçirilib
• Bakıda yanğınsöndürmə və xilasetmə üzrə dünya çempionatının açılış mərasimi keçirilib
• Azərbaycanlı qardaşlar Antalyada Mental Arifmetika Olimpiadasının qalibi olublar
• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək