“Sumqayıt”ın futbolçusu Elvin Bədəlov Konfrans Liqasının II təsnifat mərhələsində “Fehervar”a (Macarıstan) qarşı keçirəcəkləri oyundan əvvəl təşkil olunan mətbuat konfransında iştirak edib.

Apasport.az xəbər verir ki, müdafiəçi jurnalistlərin suallarını cavablandırıb.

– Macarıstan klublarına qarşı necə oynamaq lazımdır?

– Bizə onların necə oynamağı maraqlı deyil. Rəqibdən asılı olmayaraq öz oyunumuzu oynamalıyıq. Azarkeşləri stadiona dəvət edirəm. Onları sevindirməyə çalışacağıq. Rəqibin bizdən güclü olduğunu fikirləşmirik, özümüzə inanırıq.

– Sabah İsa Suliman zədəli olduğu üçün oynamayacaq. Xaçayevlə tandem çətin olmayacaq?

– Xeyr. Xaçayevlə bir-birimizi başa düşürük, əvvəl də oynamışıq. Sabah daha yaxşı oynamağı düşünürük.

• Son dəqiqə: Azərbaycan çempionatında daha bir oyun baş tutmadı
• MOK rəsmiləri Avropa Olimpiya Komitələrinin 54-cü Baş Assambleyasında iştirak edirlər
• Azərbaycanda "Barselona" klubunun akademiyası yaradılacaq
• "Qarabağ" matçının biletləri satışda
• Azərbaycan Kubokunda son 21 ilin rekordu təkrarlanıb