"Rusiya yığmasına məğlub olsaq da, qızlar yaxşı çıxış etdilər".

Apasport.az AFFA-nın mətbuat xidmətinə istinadən xəbər verir ki, bunu Azərbaycanın qadınlardan ibarət millisinin baş məşqçisi Siyasət Əsgərov Soçi şəhərində Rusiya yığması ilə keçirilən yoldaşlıq oyunundan (0:1) sonra deyib.

Mütəxəssis məğlubiyyətə baxmayaraq, komandanın yaxşı çıxış etdiyini vurğulayıb:

“Çox yaxşı oyun alındı. Rusiya yığması həm fərdi, həm də komanda keyfiyyətinə görə güclüdür. Rəqibi təhlil edib, matça ciddi hazırlaşmışdıq. Düzdür, bir neçə zədəli futbolçumuz var. Sərgilənən oyuna əsasən məğlubiyyət bizi məyus etdi. Rusiya yığması hansısa düşünülmüş hücumla yox, bizim səhvimizdən qol vurdu. Komandamıza təşəkkür düşür. Uduzsaq da, qızlar çox yaxşı çıxış etdilər. Bəzi anlarda üstünlük bizim tərəfimizdə olurdu. Yaxşı mübarizə apardıq, aqressivlik var idi, meydanın hər qarışı uğrunda mübarizə gedirdi. Təəssüf ki, hücumda çoxala bilmirdik. İkinci matça daha yaxşı hazırlaşacağıq. Məqsədimiz Bakıya qələbə ilə dönməkdir”.

Qeyd edək ki, Azərbaycan və Rusiya milliləri arasında ikinci yoldaşlıq görüşü dekabrın 2-də “Soçi” klubunun məşq bazasında keçiriləcək.

• Azərbaycan klubunun 8 futbolçusu həbs olundu - SƏBƏB
• Cəlal Hüseynov yenidən "Şamaxı"da
• Gənclər və idman naziri: "Bu yarış bölgədə idmanın inkişafına kömək edəcək"
• Fərid Qayıbov: "Uşaq futboluna investisiya yatırmalıyıq"
• Nazir: "Legionerlərin sayını azaltmaq üçün federasiyalarla qarşılıqlı işləyirik" - Müsahibə