"Zirə" Türkiyədəki təlim-məşq toplanışı çərçivəsində növbəti yoxlama matçında qələbə qazanıb.

Apasport.az xəbər verir ki, Rəşad Sadıqovun rəhbərlik etdiyi komanda qardaş ölkə təmsilçisi "Çorum"la üz-üzə gəlib.

Fanatik Tur Meydançalarında baş tutan matç "qartallar"ın 2:0 hesablı qələbəsi ilə yekunlaşıb.

Bakı klubunun heyətində Abdul Aziz Batibie (60) və Şahmar Aşurov (71) fərqləniblər.

Komanda daha əvvəl Bakıda “Qarabağ”a qarşı keçirdiyi yoxlama matçında 0:4 hesabı ilə uduzub. Türkiyədə isə “Ankara Keçiörengücü”ndən (2:1) və İordaniyanın “Əl-Hüseyn” (1:0) komandasından üstün olub.

Qeyd edək ki, "Zirə" UEFA Konfrans Liqasının II təsnifat mərhələsində "Hayduk"la üz-üzə gələcək. Komandalar arasında ilk matç iyulun 23-də, saat 19:30-da "Bakcell Arena"da, cavab görüşü isə 31-də, Bakı vaxtı ilə saat 23:00-da “Polyud Stadium”da start götürəcək.

• Rusiya klubundan rəsmi təklif: Rədd edib, "Qarabağ"da qaldı
• Kurban Berdıyev: “Kuboku qazanmağa çalışacağıq”
• Azərbaycan Kuboku: "Kəpəz" və "Turan Tovuz"dan darmadağın - YENİLƏNİB
• Asim Xudiyev Konfrans Liqası oyununa təyinat alıb
• Qırğızıstan klubunun nümayəndələri “Neftçi”nin rəsmiləri ilə görüşüblər - FOTO