2011-ci ildə İtaliya və Serbiyada təşkil ediləcək voleybol üzrə qadınlar arasında Avropa çempionatının final mərhələsində iştirak edəcək 13 komandanın adı müəyyənləşib.

Apasport.az saytının məlumatına görə, İtaliya, Serbiya, Hollandiya, Polşa, Almaniya, Türkiyə və Rusiya yığmalarına seçmə mərhələdə qrup qalibi olan Azərbaycan, Çexiya, Ukrayna, İspaniya, Rumıniya və Bolqarıstan da qoşulublar. Bu mötəbər yarışda iştirak edəcək digər üç komanda isə sentyabrda keçiriləcək pley-off oyunlarından sonra dəqiqləşəcək.

Qeyd edək ki, pley-off mərhələsində Belarus İsraili, Belçika Xorvatiyanı, Fransa Finlandiyanı sınağa çəkəcək.

• Azərbaycanlı nümayəndə ÇL oyununa təyinat alıb
• “Azərreyl”də yeni voleybolçu
• "Azərreyl" rusiyalı ilə müqavilə yeniləyib
• AVF-nin məşqçi-müəllimlər üçün təşkil etdiyi növbəti kurs başa çatıb
• "Gəncə"də ayrılıq