Bakı. Mehman Süleymanov - APA-Sport. AFFA-nın Hakimlər Komitəsi daha bir hakimi cəzalandırıb. “APA-Sport” agentliyinin məlumatına görə, beynəlxalq dərəcəli hakim Azad Mütəllimovun “Hakimlərin Nizam-İntizam Məcəlləsi”nin 3-cü maddəsinin B bəndinə uyğun olaraq, 5 təyinat turu Premyer Liqanın əsas və əvəzedici, həmçinin I divizion komandalarının oyunlarını idarə etməkdən kənarlaşdırılması haqda qərar çıxarılıb. Buna səbəb 43 yaşlı hakimin Premyer Liqanın son turu çərçivəsində avqustun 30-da idarə etdiyi “İnter” – “Qəbələ” (1:1) görüşündə nəticəyə təsir edən səhvə yol verməsidir. Belə ki, A.Mütəllimov oyunun 55-ci dəqiqəsində “İnter”in hücumçusu Xaqani Məmmədova qarşı kobudluq edildiyi epizodda penalti zərbəsini təyin etməyib.

• “Komo”dan sonra “Əl-Əhli” – Davinson Sançez üçün yeni "elçi"
• İtaliano həyəcanını gizlətmədi – "Sabah ilk rəsmi oyunumuzdur"
• Malanq Sarrın yeni klubu bəlli oldu – Səudiyyə Ərəbistanına yollandı
• Zaniolo “Udineze”də qaldı – “Qalatasaray”dan birdəfəlik ayrıldı
• “Qırmızı şeytanlar” maviyə büründü – Yeni səfər forması - FOTO