Türkiyənin “Erciyyespor” klubu “Neftçi”nin futbolçusu Amit Quluzadəni transfer etdiyini rəsmən açıqlayıb. Apasport.az saytının məlumatına görə, Banks Asiya I liqada çıxış edən Kayseri təmsilçisi müqavilə imzaladığı 6 yeni futbolçunun birinin Amit olduğunu bəyan edib. Klubun mətbuat katibi Şadi Böyükkeçəçi klubun bazasında təşkil olunan imzalanma mərasimində anlaşdıqları, danışıqlar apardıqları futbolçuların adlarını çəkib: “Komandanın özəyini qururuq. İyunun 29-da məşqlərimiz bazamızda başlayacaq. İyulun 13-də Boluya təlim-məşq toplanışına yollanacağıq. Anlaşdığımız azərbaycanlı futbolçu Amit də 29-da bizə qatılacaq”.

Qeyd edək ki, Quluzadə yeni klubu ilə 3 illik müqavilə imzalayıb. 19 yaşlı yarımmüdafiəçi milli komandamızın da üzvü sayılır.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”