“Minsk”lə oyuna hazırlığımız tam axarı ilə keçdi. Biz qalib gəlmək istəyirik. Baxaq görək necə olacaq”. Bu fikirləri apasport.az saytına açıqlamasında AZAL-ın gürcü futbolçusu Nuqzar Kvirtiya deyib. Sol cinah oyunçusu 2 ildir şərəfini qoruduğu komandasının heyətində avrokuboklarda debüt edəcək.

Nuqzar bugünkü debütünü qələbə ilə qeyd etmək istəyir: “Allahın köməyi ilə qalib gələrik. Oyuna qədər şanslar bərabərdir. İndi deyə bilmərəm ki, qalib gələcəyik, yoxsa məğlub olacağıq. Bu, qismətdən asılıdır. Hər şey bizim özümüzdən asılı olacaq”.

Legioner AZAL-ın yeni futbolçularına ümidi böyükdür: “Fikrimcə, yeni futbolçularımız komandaya kömək edəcəklər. 4 yeni transferimiz var. İkisi “Muğan”dan gələn azərbaycanlı futbolçular, 2-si legionerdir. Biri ən yaxşı müdafiəçi seçilib, digəri Albaniya yığmasının kapitanıdır. Məncə, yeni futbolçular bizə kömək etməlidirlər. Hər halda, onlar yaxşı futbolçulardır”.

Kvirtiya Belarus təmsilçisi ilə evdəki görüşdə qol vurmağın vacibliyini bildirib: “Əlbəttə, oynasam, qol vurmağa çalışacağam. Meydanda olsam, bunun üçün əlimdən gələni edəcəyəm. Bu, Allahın işidir. Qismətimdə olsa, fərqlənəcəyəm”.

Mehman SÜLEYMANOV

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”