“Biz “Minsk”lə görüşdə heç də pis oynamadıq. Yetərincə qol epizodu yaratdıq”. Bu fikirləri apasport.az saytına açıqlamasında AZAL-ın yarımmüdafiəçisi Viktor İqbekoyi deyib. Avroliqanın I təsnifat mərhələsində “Olimpik-Şüvəlan” adı altında çıxış edən paytaxt klubu “Minsk” ilə evdə 1:1 hesablı heç-heçə edib.

Oyunda hesabı rəqib futbolçu açsa da, cəmi 3 dəqiqə sonra İqbekoyi tablodakı rəqəmləri eyniləşdirməyi bacardı. Nigeriyalı legioner yaradılan epizodları dəyərləndirə bilməməklərinə görə təəssüflənir: “Əgər həmin epizodları düzgün dəyərləndirsəydik, hesab fərqli olacaqdı. Ən azı 4 qol vura bilərdik ki, bu da səfər oyununa rahat yollanmağımıza gətirib çıxaracaqdı. Ancaq bu futboldur. Hər cür nəticə ilə qarşılaşmaq mümkündür”.

Minskdəki cavab oyununa nikbin əhval-ruhiyyədə yollanacaqlarını qeyd edən Viktor səfərdə mərhələ adlayacaqlarına inanır: “Çalışacağıq ki, Minskdəki oyunda yaxşı nəticə qazanıb, mərhələ adlayaq. Bunu bacaracağımızı düşünürəm”.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”