Avstriyada təlim-məşq toplanışında olan “Xəzər Lənkəran” klubunun son oyununun vaxtı müəyyənləşib. Apasport.az saytının məlumatına görə, cənublular iyulun 8-də son sınağa çıxacaqlar.

Rəqib isə İnsbruk təmsilçilərindən biri olacaq. Belə ki, lənkəranlılar ya “Vattens İnnsbruk” ya da “Vakker İnnsbruk”la görüşəcək.

“Xəzər Lənkəran” iyulun 11-də isə Avroliqanın II təsnifat mərhələsinin oyununda iştirak etmək üçün İsrailə yollanacaq. Bu isə o deməkdir ki, Rumıniya təmsilçisi “Panduri” ilə görüş baş tutmayacaq.

Hərçənd, Rumıniya mətbuatı həmin matçın iyulun 10-da keçiriləcəyini iddia edir. Artıq toplanış çərçivəsində 3 oyuna çıxan “Xəzər Lənkəran” üçün də rumınlarla deyil, məhz insbruklularla qarşılaşma sonuncu olacaq.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”