Asiya Kubokunun keçirilmə vaxtı dəyişdirilib.

Apasport.az xəbər verir ki, Asiya Futbol Konfederasiyası (AFC) Səudiyyə Ərəbistanında təşkil olunacaq turnirin tarixini dəyişmək qərarına gəlib.

Əvvəlcə 2027-ci il yanvarın 7-dən fevralın 5-dək keçirilməsi planlaşdırılan yarışın yeni tarixləri müəyyənləşdirilib. Turnir 2027-ci il dekabrın 23-də start götürəcək və 2028-ci il yanvarın 21-də başa çatacaq.

AFC-nin yaydığı bəyanatda qərarın Yaxın Şərqdəki vəziyyətlə əlaqədar qəbul edildiyi bildirilib. Regionda yaranmış fövqəladə şərait, ciddi logistika çətinlikləri və nəqliyyat əlaqələrindəki fasilələr yarışın əvvəlki tarixlərdə keçirilməsini mümkünsüz edib. Yeni tarixlər təsdiq üçün FİFA-ya təqdim olunacaq.

Qeyd edək ki, turnirin son qalibi Qətər yığmasıdır.

• “Liverpul”un “Fənərbaxça” ilə oyun üçün heyəti açıqlandı – 7 itki
• “Vest Hem” baş məşqçisini istefaya göndərdi – RƏSMİ
• “Seltik” – “Beşiktaş” matçının hakimi bəlli oldu
• “Tenerife”nin futbolçusu meydanda aldığı zədədən sonra vəfat etdi - VİDEO
• Çerçesov Rusiya klubundan ayrıldı - MÜQAVİLƏSİNƏ XİTAM VERİLDİ