"Fənər" Kerem üçün "Benfika" ilə razılaşdı - YENİLƏNİB
29.08.2025 - 14:58
"Fənər" Kerem üçün "Benfika" ilə razılaşdı - YENİLƏNİB

"Fənərbaxça" Kerem Aktürkoğlu transferi barəsində "Benfika" ilə razılığa gəlib.

Apasport.az saytının məlumatına görə, İstanbul klubu 26 yaşlı vinger üçün qarşı tərəfə 22,5 milyon + 2,5 milyon avro ödəyəcək.

Türkiyə millisinin üzvünün yaxın müddət ərzində tibbi yoxlanışdan keçmək üçün İstanbula yollanacağı gözlənilir.

Qeyd edək ki, Kerem "Benfika"ya ötən ilin yayında "Qalatasaray"dan 13 milyon avroya transfer olunmuşdu.

13:04

Joze Mourinyo ilə yollarını ayıran "Fənərbaxça"nın Kerem Aktürkoğlu israrı davam edir.

Apasport.az xəbər verir ki, "sarı-lacivərdlilər" bu gün oyunçunun müqavilə ilə məxsus olduğu "Benfika"ya növbəti təklifini göndərib.

Tərəflər arasında danışıqlara yenidən start verilib. İstanbul təmsilçisi yeni təklifdə ödəniş planında dəyişikliklər edib.

26 yaşlı vinger isə transferin tez bir zamanda reallaşması üçün “Benfika”ya təzyiq göstərir.

Qeyd edək ki, “Fənərbaxça” ötən gün UEFA Çempionlar Liqasının pley-off mərhələsində məhz Kerem Aktürkoğlunun vurduğu qol nəticəsində “Benfika”ya 0:1 hesabı ilə uduzaraq turnirdə iştirak hüququnu itirib.