Niderland millisinin üzvü “Tottenhem”də - RƏSMİ
29.08.2025 - 21:08
Niderland millisinin üzvü “Tottenhem”də - RƏSMİ

"Tottenhem" heyətini yeni oyunçu ilə gücləndirib.

Apasport.az xəbər verir ki, komanda "Leypsiq" forması geyinən Xavi Simonsu transfer edib.

Bu barədə klubun mətbuat xidməti məlumat yayıb.

Razılaşmaya əsasən, 22 yaşlı vingerlə 5+2 illik müqavilə imzalanıb. Premyer Liqa təmsilçisi bu keçid üçün qarşı tərəfə 65 milyon avro ödəyəcək.

Xavi yeni komandasında 7 nömrəli formada çıxış edəcək.

Qeyd edək ki, Niderland millisinin üzvü ötən mövsüm Bundesliqa klubunun heyətində meydana çıxdığı 33 rəsmi matçda 11 qol və 8 assistlə yadda qalıb.