“Bavariya” təcrübəli yarımmüdafiəçisi Aryen Robbenlə müqaviləni yeniləyəcək. Apasport.az saytının məlumatına görə, bu barədə “Kicker” nəşri xəbər yayıb.

Belə ki, alman klubu 30 yaşlı yarımmüdafiəçisi ilə 2015-ci ildə başa çatacaq sözləşməni daha 2 il uzadacaq. Yaxın günlərdə açıqlama verən və Münhen təmsilçisində futbolla vidalaşmaq istədiyini deyən Robbenin də bu təklifə “bəli” deyəcəyi gözlənilir.

Qeyd edək ki, Hollandiya millisinin üzvü 2009-cu ildə Madrid “Real”ından “Bavariya”ya keçib. O, cari mövsüm Almaniya Bundesliqasında və Çempionlar Liqasında 20 matça çıxıb və 10 qol, 9 məhsuldar ötürmə ilə yadda qalıb.

• Sergen Yalçının zənglərinə cavab verməyən futbolçular – TFF-dən açıqlama
• Yaponiya Futbol Assosiasiyasının vitse-prezidenti istefa verdi
• “Qalatasaray” Braziliya millisinin üzvünü transfer etmək istəyir
• “Barselona” Ferminin qiymətini müəyyənləşdirdi
• “Qalatasaray”ın futbolçusu 10 Avropa nəhənginin hədəfində